Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
28. ágúst 2004
Sælar og takk fyrir góðan vef.
Mig langar mikið til að vita af hverju er miðað við að setja konur af stað eftir 2 vikur, en ekki 10 daga eð 15 eða 20? Hvað ræður þessu? Ég er komin 11 daga fram yfir og er að verða þokkalega þreytt og pirruð af biðinni og er búin að reyna öll húsráðin og það allt mörgum sinnum :( Er eitthvað sem maður getur gert til að auðvelda sér þetta eftir að þolinmæðin er farin.
Kveðja, ein þreytt og pirruð :)
Sæl og takk fyrir að leita til okkar.
Samkvæmt skilgreiningu Alþjóðaheilbrigðismálastofnunarinnar (WHO) er lengd meðganga skilgreind sem meðganga sem er lengri en 42 vikur. Niðurstöður margra rannsókna hafa sýnt fram á aukna tíðni andvana fæðinga og vandamála hjá börnum í fæðingu þegar komið er framyfir 42 vikur. Viðbrögð fæðingarlækna og ljósmæðra víða um heim hafa því falist í því að setja vinnureglur um framköllun fæðinga í kringum 42 vikur. En það er misjafnt eftir löndum og jafnvel fæðingastöðum hvaða vinnureglur eru í gangi. Hér á landi er miðað við að meðgangan sé alla jafna ekki lengri en 42 vikur og er sú ákvörðun byggð á grunni vísindalegra rannsókna og með það í huga hvað er móður og barni fyrir bestu. Hér á síðunni er einnig að finna nánari upplýsingar um Framköllun fæðingar.
Vona að þú fæðir fljótlega og allt gangi vel.
Yfirfarið í júní 2020
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.