Spurt og svarað

02. apríl 2007

Áhættumeðganga og fæðing í Hreiðri

Komið þið sælar og takk fyrir frábæran vef!

Þannig er mál með vexti að ég eignaðist andvana barn í fyrra og er orðin ólétt aftur, sem er mikið gleðiefni, en það telst vera áhættumeðganga. Ég var að lesa á netinu að þær sem eru í áhættumeðgöngu mega ekki eiga í hreiðrinu. Ég hafði hugsað mér að eiga þar ef það væri laust en mér er líka alveg sama ef ég fæði á fæðingarganginum og fái svo að liggja í hreiðrinu með manninum mínum og krílinu. Mér leikur forvitni á að vita hvort þetta sé rétt sem ég var að lesa?

Kveðja, englamamma.


Sæl og blessuð!

Þetta eru sannarlega gleðifréttir, innilega til hamingju. Ég býst við því að það verði bara að koma í ljós þegar að fæðingu kemur hvort það er heppilegt fyrir þig að fæða í Hreiðrinu. Þú  ættir bara að ræða þetta við ljósmóðurina þína þegar nær dregur fæðingu.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
2. apríl 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.