Spurt og svarað

07. september 2008

Aðstaða á fæðingardeildinni í Reykjavík

Góðan dag!

 

Ég bý úti á landi en þarf að fara til Reykjavíkur til að eiga. Nú var ég að velta fyrir mér hvernig aðstaðan er á fæðingardeildinni, s.s. aðgangur að fæðingarlaugum og hversu stórar þær eru, aðgangur að sturtu og klósetti frá fæðingarstofunni. Er hægt að dimma ljósin og spila tónlist og hvaða hjálpartæki eru á stofunum, s.s. grjónapokar og fleira.

 

Með kveðju, ein ólétt.


 

Sæl og blessuð!

 

Á fæðingardeild Landspítala eru baðkör á þrem fæðingastofum. Þau eru mismunandi stór, það minnsta er á stærð við stórt hornbaðkar en það stærsta minnir meira á heitan pott. Á hverri stofu er aðgangur að klósetti og sturtu. Það er hægt að stjórna lýsingunni með „dimmer“ og svo eru líka litlir lampar sem gefa þægilega birtu. Sem dæmi um hjálpartæki, þá er nuddolía og lítill grjónapoki á hverri stofu og hægt að sækja stóra grjónasekki inn á stofuna ef þú hefur áhuga á því. Það er útvarp og geislaspilari á hverri stofu og tónlistin er í þínum höndum. Þú getur fundið nánari upplýsingar um aðstöðuna á fæðingardeild Landspítala í bæklingi um deildina.

 

Gangi þér vel.

 

Kær kveðja,

 

Anna Sigríður Vernharðsdóttir,
ljósmóðir og hjúkrunarfræðingur,
7. september 2008.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.