Spurt og svarað

24. janúar 2005

Belgjalosun

Góðan daginn.

Mig langar að forvitnast hjá ykkur, hvort ljósmæður sem eru á heilsugæslustöðvunum þar sem maður er í skoðun geti losað um belginn hjá konum ? Eða er það bara gert á fæðingardeildinni?

Kveðja frá einni sem er farin að huga að fæðingunni.

...........................................................................

Sæl og takk fyrir að leita til okkar.

Það hefur lengi tíðkast að losa um belgi til að framkalla fæðingu.  Rannsóknir sýna að losun um belgi fyrir 41 viku hefur ekki borið árangur til að koma fæðingu af stað. Það er rétt að benda á það að mörgum konum þykir þetta mjög óþægilegt, margar konur finna fyrir óreglulegum samdráttum og jafnvel verkjum í kjölfarið og árangurinn af belgjalosun er mjög mismunandi.  Þetta þýðir að belgjalosun getur í raun valdið konunni óþægindum, þreytu og svefnleysi án þess að framkalla fæðingu, ásamt því að konur hafa ákveðnar væntingar fyrir að vera byrjaðar í fæðingu án þess að svo sé.  

Yfirfarið 28.október 2015





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.