Spurt og svarað

25. júlí 2006

Blæðingahneigð og deyfingar

Sælar!

Ég er með blæðingarhneigð og var að velta fyrir mér hvernig þetta færi allt saman fram. Mér finnst allir vita agalega lítið um þetta. Ég veit ég þarf að eiga í Reykjavík þar sem ég bý út á landi en ég var að spá með deyfingarnar, ef ég get ekki fengið mænurótardeyfingu vegna blæðingarhættu, hvað ætti ég þá að kynna mér í staðinn?

Kveðja, ein kvíðin.


Sæl og takk fyrir að leita til okkar!

Þó svo ég viti það ekki með vissu en þá getur þú líklega ekki fengið mænurótardeyfingu (utanbastsdeyfingu) ef blóðstorkukerfið þitt er ekki í lagi. Þetta verður svæfingalæknir að meta. Þó að notkun mænurótardeyfinga sé orðin þó nokkur þá eru mun fleiri konur sem fæða án þess að fá slíka deyfingu. Það eru margir kostir fyrir þig og þú getur m.a. lesið hér á síðunni um náttúrulegar leiðir til verkjastillingar og verkjastillingu með lyfjum.

Gangi þér vel.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
25. júlí 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.