Spurt og svarað

08. september 2006

Brettist upp á leghálsinn!

Góðan dag!

Ég er ófrísk að öðru barni mínu og langar að spyrja: Af hverju það brettist upp á leghálsinn hjá mér í fyrri fæðingunni hjá mér? Nú er ég búin að vera að ræða þetta við vinkonur mínar, en engin af þeim kannast við þetta. Þetta gerðist nokkrum sinnum, og var dálítið óþægilegt því að ljósmóðirin var með hendina uppi á meðan hríðarnar voru til að bretta hann niður. Af hverju brettist hann upp og af hverju þarf að halda honum niðri í hríðunum, gengur hann ekki sjálfur til baka? Er líklegt að þetta gerist aftur, eða gerist þetta kannski hjá öllum?

Kær kveðja, Kristrún.


 

Sælar og takk fyrir að leita til okkar!

Við könnumst ekki við að það brettist upp á leghálsinn. Hins vegar er það eina sem mér dettur í hug er að halda við leghálsbrún. Þá er ljósmóðirin með fingurna upp í fæðingaveginum þegar hríð er og heldur við brúnina.  Þetta er stundum gert ef útvíkkun er um 9 cm og það er fyrirstaða í leghálsbrúninni. Þá er hægt að reyna að halda við hana á meðan konan rembist niður og þá gefur oftast leghálsinn sig og útvíkkun klárast. Konum finnst þetta oft frekar óþægilegt, en þetta er bara reynt yfir 2-3 hríðar ef brúnin gefur sig ekki þá er reynt að halda aftur að rembingnum og gefinn meiri tími fyrir útvíkkunina að klárast. Einnig fáum við konur oft til að breyta um stellingu í lok útvíkkun til að fá meiri þrýsting á leghálsbrúnina. Það þarf ekkert að vera að þú þurfir að lenda í þessu aftur í næstu fæðingu. Vonandi hjálpar þér þetta eitthvað og gangi þér sem allra best í fæðingunni.

Kveðja,

Steina Þórey Ragnarsdóttir,
ljósmóðir og hjúkrunarfræðingur,
8. september 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.