Spurt og svarað

07. apríl 2008

Breyting á leghálsi

Ég var að velta því fyrir mér hvort að maður fyndi fyrir því þegar leghálsinn er að styttast eða mýkjast og ef svo er hvernig sú tilfinning væri. Ég er núna gengin rúmar 30v með tvíbura og hef verið að fá einskonar kítl í leggöngin af og til ekki ólíkt því og rétt áður en maður fær fullnægingu, og hef verið að velta því fyrir mér hvort þetta hafi eitthvað með það að gera?


Nei sennilega hefur það ekkert með breytingu á leghálsi að gera heldur stafar af auknum þrýstingi stækkandi barna.  Ef þú gengur með fyrstu börn byrjar leghálsinn ekki að breytast að neinu ráði fyrr en þú ferð að finna hríðarverki.  Þeir byrja á því að vera óreglulegir, mislangir og missterkir og fara svo út í að vera reglulegir, jafnlangir og jafnsterkir og þá ertu byrjuð í virkri fæðingu.

Gangi þér vel

Rannveig B. Ragnarsdóttir,
ljósmóðir og hjúkrunarfræðingur.
7. apríl 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.