Spurt og svarað

05. janúar 2008

Er glaðloft í Hreiðrinu?

Sælar!

Ég var að lesa hjá ykkur um Hreiðrið. Ég er komin 38 vikur en er ekki alveg viss hvort ég ætla að reyna við Hreiðrið eða ekki. Ég fór á kynningu á fæðingarstofurnar en man ekki allt. Er glaðloft á Hreiðrinu? Ég vil helst eiga möguleikann á baði ef það er möguleiki þar sem ég hef haft verki í grindinni (þó það verði ekki glaðloft). Á hvorum staðnum er líklegra að maður hafi möguleika á því?

Með fyrirfram þökk. Ein að pæla!


Sæl og blessuð!

Í Hreiðrinu eru 2 fæðingarstofur, báðar með baði og glaðlofti. Á fæðingardeildinni eru 6 fæðingarstofur, allar með glaðlofti en þrjár með baðkari. Það fer auðvitað eftir því hvað er að gera á deildunum þegar þú byrjar í fæðingu. Það er ágætt að láta vita um þínar óskir þegar þú hringir til að tilkynna komu þína í fæðingu og þá verður reynt að koma til móts við þær, annað hvort á fæðingardeildinni eða í Hreiðrinu. Ef þú ætlar þér frekar að fæða í Hreiðrinu þá hringir þú þangað (543-3250) en ef þú stefnir að því að fæða á fæðingardeildinni þá hringir þú þangað (543-3049 eða 543-3247).

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
5. janúar 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.