Spurt og svarað

04. mars 2008

Blæðing og verkir eftir fullnægingu

Sælar og takk fyrir góðan vef.

Ég er komin 6 vikur á leið og lenti í miður skemmtilegu atviki um helgina.

Ég var að stunda "fingraleikfimi" með manninum mínum og fékk við það fullnægingu. Ég fékk eftir það verk í legið sem varði í ca 1-2 mínútur (fannst það svosum ekkert það óvenjulegt) en síðar um kvöldið blæddi aðeins út frá leggöngunum. Þetta var bleiklituð útferð með örlitlu rauðu slími og var þetta ekki meira en hálf matskeið. Það blæddi ekkert meira en það kom aðeins brúnlitað síðar um nóttina.

Síðan hef ég verið með smávægilega stingi í leginu, sem eru þó ekkert sárir eða miklir.

Þarf ég að hafa miklar áhyggjur af þessu?


Sæl

Nei þú þarft ekki að hafa neinar áhyggjur af þessu þetta er alveg eðlilegt og hættulaust.

Kveðja.

Rannveig B. Ragnarsdóttir,
ljósmóðir og hjúkrunarfræðingur.
4 mars 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.