Spurt og svarað

16. desember 2005

Gengin 40 vikur og ekkert að gerast

Sælar og takk fyrir alla hjálpina ykkar!
Ég er gengin 40 vikur í dag en ég fór í skoðun áðan því ljósan ætlaði að losa um belginn hjá mér en gat það ekki því leghálsinn er ekki einu sinni farinn að styttast! Það er bara hreinlega ekkert farið að gerast! Er það eðlilegt þegar maður er gengin svona langt?  Get ég þurft að bíða í tvær vikur eða getur þetta gerst mjög hratt?
Þetta er þriðja meðgangan mín og í bæði fyrri skiptin átti ég á 37.viku og 39.viku!
Kv Ein orðin óþolinmóð!

..................................................
 
Komdu sæl og takk fyrir fyrirspurnina.
 
Já það er alveg eðlilegt þegar þú ert ekki byrjuð að fá hríðar.  Hinsvegar getur þetta gerst hratt hjá konu í þriðja sinn en það er engin leið fyrir mig að segja hvenær af þessu verður.
 
Gangi þér vel.
 
Rannveig B. Ragnarsdóttir,
hjúkrunarfræðingur og ljósmóðir.
16.12.2005
.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.