Spurt og svarað

02. júní 2009

Grindarlos og fæðing

Sælar! Og takk fyrir frábæran og gagnlegan vef.

Ég er komin 35 vikur á leið með mitt þriðja barn (það verða 16 mánuðir milli þessa barns og þess síðasta) og þessi meðganga er búin að vera mér ákaflega erfið. Það sem er einna helst að há mér er grindarlos sem er svo svæsið að oftast stend ég varla í fæturnar. Kemur þetta til með að hafa mikil áhrif á framgang fæðingar? Ég er orðin afar kvíðin, því ég spyr: ef ég stend ekki upp úr stól/rúmi/sófa án aðstoðar, hvernig í ósköpunum á mér að takast að koma þessu barni í heiminn?  Og eitt enn, hversu lengi er ég að jafna mig á grindargliðnun eftir fæðingu?

Með bestu kveðju, Sigríður


Komdu sæl og afsakaðu hvað svarið berst seint.

Grindargliðnun er oftast ekki til trafala í fæðingu, þú finnur ekki fyrir þeim verkjum þá en auðvitað þarftu aðeins að passa uppá stellingar.  Oft er gott að vera á 4 fótum ef konur eru slæmar í grindinni (stabiliserar grindina aðeins).  Grindarverkir hverfa að mestu strax eftir fæðingu en kona getur verið margar vikur og jafnvel mánuði að jafna sig alveg, sérstaklega ef þetta er mjög slæmt á meðgöngunni.

Gangi þér vel, kveðja

Rannveig B. Ragnarsdóttir,
ósmóðir og hjúkrunarfræðingur.
2. júní 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.