Spurt og svarað

21. desember 2009

Hæð móður og fæðing

Sæl!

Ég er að forvitnast um það hvort hæð konu hafi einhver áhrif á það hvort móðirin þarf í keisara eða getur átt eðlilega. Konan sem um ræðir er 152 cm á hæð og hún verður orðin 19 ára þegar barnið fæðist.


Sæl og blessuð!

Lágvaxnar konur (< 150 cm) eru í aðeins meiri hættu á að lenda í keisara en stærri konur. Hæðin er þó bara einn þáttur af mörgum sem spila inn í það hvort kona getur fætt eðlilega en það sem líka skiptir máli er kraftur hríðanna, lögun og stærð mjaðmagrindarinnar, stærð barnsins, staða höfuðsins í grindinni og hreyfanleiki konunnar í fæðingu. Lágvaxnar konur ganga yfirleitt með börn sem eru nettari og hæfa þeirra líkama þannig að langoftast gengur fæðingin vel og best að ganga út frá því.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
21. desember 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.