Spurt og svarað

25. apríl 2012

Hátt BMI og Hreiðrið

Góðan dag og takk fyrir góðan vef ;)

Ég var að lesa hér á síðunni að konur með BMI yfir 35 mættu ekki fæða á Hreiðrinu. Nú er ég yfir þessu marki en ég var að velta því fyrir mér hvort að það mætti fæða á fæðingargangi og gista svo á Hreiðrinu eftir fæðinguna? Það er ekki gert ráð fyrir að maki gisti hjá manni á fæðingargangi er það?



Sæl og blessuð!

Jú, þið getið farið í Hreiðrið eftir fæðinguna ef allt gengur vel og móður og barni heilsast vel eftir fæðinguna. Konur gista sjaldan á fæðingargangi en eru þar meðan á fæðingunni stendur og þá er maki alltaf velkomin að vera með. Í þeim tilfellum sem konur gista á fæðingargangi er maka líka velkomið að gista.

Kær kveðja,

Anna Sigríður Vernharðsdóttir
ljósmóðir og hjúkrunarfræðingur,
25. apríl 2012.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.