Spurt og svarað

25. júlí 2006

Heimafæðing og heimaþjónusta

Fyrst vil ég þakka fyrir frábæran vef sem hefur hjálpað mér mikið.

Ég hef verið að velta fyrir mér að fæða heima ef meðgangan gengur jafnvel og síðast. Ef ég fæði heima, fæ ég þá heimaþjónustu eins og ef ég færi í Hreiðrið?

Og annað, eru það bara þessar 2 ljósmæður sem eru nefndar hér á síðunni sem sinna heimafæðingum í Reykjavík?


Sæl og takk fyrir að leita til okkar!

Ef þú fæðir heima þá færðu heimaþjónustu eins og þær konur sem fara heim af sjúkrahúsi innan 36 tíma fæðingu. Oftast er það þá sama ljósmóðir og tekur á móti hjá þér.

Það var verið að uppfæra listann yfir þær ljósmæður sem taka á móti í heimahúsi og þær eru nú fjórar hér á höfuðborgarsvæðinu eftir því sem best vitum.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
25. júlí 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.