Spurt og svarað

20. febrúar 2012

Heimafæðing og streptókokkar

Sæl!

Ég greindist með streptókokkasýkingu í leggöngum á síðustu meðgöngu og fékk pensilín í æð í fæðingunni. Þá man ég að hafa lesið að ef maður greinist einu sinni með streptókokka þá þurfi maður alltaf að fá pensilín í æð í fæðingu, líka með næstu börn þar á eftir. Nú á ég aftur von á barni og vildi vita hvort þetta sé rétt og ég geti þar af leiðandi ekki stefnt að heimafæðingu ef meðgangan gengur jafn vel eins og fyrri meðgöngur?

Kveðja, Guðrún.



Sæl Guðrún!

Jú, þetta er alveg rétt hjá þér. Við mælum með því að þú fáir fyrirbyggjandi sýklalyfjameðferð í næstu fæðingum. Það þarf hins vegar ekki að koma í veg fyrir heimafæðingu því það er hægt að gera viðeigandi ráðstafanir. Hafðu bara samband við ljósmóður sem sinnir heimafæðingum og hún getur sagt þér betur frá þessu.

Gangi þér vel.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
20. febrúar 2012.

Leitarorð: GBS, streptókokkasýking, heimafæðing, sýklalyf




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.