Spurt og svarað

03. júlí 2007

Höfuðstærð og fæðingarmáti

Sælar og takk fyrir frábæran vef!

Ég var að velta fyrir mér höfuðstærð barna og er með nokkrar spurningar. Hver er meðalhöfuðstærð við fæðingu? Er það satt að ef höfuðstærð er 38 cm þá yrði það líklega keisarafæðing? Er möguleiki að mæla höfuðstærð nokkuð nákvæmlega í sónar?

Takk fyrir.


Sæl og blessuð!

Meðalhöfuðstærð við fæðingu er 34-37 cm. Höfuðumál er ekki mælt með sónar, en  stundum er mæld lengd milli eyrna í sónar, t.d. ef um sitjandastöðu er að ræða því það er ekki mælt með að kona reyni sitjandi fæðingu ef lengd milli eyrna er meiri en 10 cm samkvæmt sónar.

Auðvitað hefur höfuðstærð eitthvað að það að segja hvort kona geti fætt eðlilega eða endi í keisara en þættir s.s. kraftur hríðanna, staða höfuðsins í grindinni og hreyfanleiki konunnar í fæðingu geta einnig haft mikið um það að segja hvort kona geti fætt eðlilega. Það eru mörg dæmi þess að konur hafi fætt börn sem eru með höfuðmál 38 sm og meira.

Vona að þetta svari spurningum þínum.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
3. júlí 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.