Spurt og svarað

26. apríl 2005

Hríðir eða fyrirvaraverkir

Sælar!
Ég er gengin 40 vikur og hef núna þrisvar  í seinustu viku fengið mjög ákveðna hríðaverki, þ.e. verki í bak og niður læri með mjög reglulegu millibili lengur en 4 tíma í senn. Verkirnir lýsa sér sem eins konar mjög slæmir "túrverkir" sem vara í nokkrar mínútur í senn og ná síðan "toppi" áður en þeir hjaðna aftur. Þessi verkir koma eftir samfarir og vara í 3-6 tíma og ágerast á því tímabili en hjaðna síðan aftur. Ég hef hringt upp á fæðingardeild í þessu ástandi og ljósmóðir þar taldi víst að fæðingin væri að byrja. Samt hefur alltaf slaknað á þessu aftur, mér til mikilla vonbrigða. Ég tel þó víst að barnið hafi færst ennþá neðar í mjaðmagrindina eftir svona köst. Er þetta eðlilegt? Það er getur fæðing farið svona af stað og stoppað síðan dögum saman eða ætti ég að hafa áhyggjur af þessu?

Með þökk fyrir góðan vef!
                            
                  ........................................................................................
 
Komdu sæl og takk fyrir fyrirspurnina.
 
Þú þarft ekki að hafa neinar áhyggjur af þessu.  Þetta eru fyrirvaraverkir en þeir lýsa sér einmitt alveg eins og hríðarverkir nema þeir hjaðna og hætta í stað þess að verða verri með tímanum.  Það er ekki ólíklegt að barnið fari neðar í grindina við þessa verki og samdrætti og er það bara af hinu góða.  Einhvern daginn hætta verkirnir ekki og þá ertu byrjuð í fæðingu.
 
Gangi þér vel
 
 
Yfirfarið 28.okt.2015





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.