Spurt og svarað

31. mars 2010

Hvað á að taka með á fæðingardeildina?

Sælar!

Hef verið að leita að upplýsingum um það sem taka þarf með í fæðinguna. Er ekki rétt að nú þurfi að taka með bleyjur, svampa og hugsanlega eitthvað fleira fyrir krílin.


Sæl og takk fyrir að leita til okkar!

Já, það er rétt að nú þarf að taka með bleyjur, svampa og föt fyrir barnið svo það má bæta því við listann, sem gæti þá litið svona út. Þetta er að sjálfsögðu ekki tæmandi listi en gefur einhverja hugmynd.

  • Mæðraskrá
  • Snyrtivörur s.s. tannbursta, shampó, varasalva o.fl.
  • Nuddolía
  • Inniskór
  • Þægilegur fatnaður t.d. náttslopp eða náttföt
  • Nesti, t.d. drykkir, samlokur, kex, brjóstsykur o.fl.
  • GSM sími
  • Lesefni
  • Góð tónlist á geisladiskum
  • Myndavél
  • Bleyjur og svampar fyrir barnið
  • Fatnaður á barnið
  • Fatnaður fyrir móður til að fara í heim
  • Öruggur bílstóll fyrir barnið

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
31.mars 2010.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.