Spurt og svarað

19. maí 2007

Hvenær er ákveðið að framkalla fæðingu

Sæl og takk fyrir frábæra síðu

Ég er kominn 41 viku og 3 daga og er nú farinn að velta fyrir mér ef ekkert fer að gerast. Fyrri fæðing var bráðakeisari vegna sitjanda. Líður svaka vel núna og með harða kúlu framan á mér og á fullu í þrifum. Krílið gæti komið ennþá, en ef það gerist ekki? Hvernig á maður að bera sig að. Hafa samband við Kvennadeild eða hringja þær í mann eftir nákvæmlega 42 vikur og ákveða dag? Eða á maður að panta annan tíma hjá ljósmóður?

Fyrirfram þakkir, Hulda.



Sæl Hulda!

Ljósmóðirin þín í mæðraverndinni á að sjá um að panta tíma fyrir þig á Kvennadeildinni ef ekkert er farið að gerast. Venjulega eru konur metnar þegar meðgöngulengd er 41 vika og 5 daga m.t.t. þess hvort, hvenær og hvernig á að framkalla fæðingu.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
19. maí 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.