Spurt og svarað

30. maí 2008

12 vikna sónar

Góðan daginn

Er í vangaveltum með 12 vikna sónarinn sem er í boði. Ég kæri mig ekki um líkindareikninga upp á litningagallana þar sem við erum ákveðin að eyða ekki þótt þeir útreikningar kæmu „illa“ út. Hvað annað er skoðað í þessum sónar? Ef ég afþakka þessa líkinda reikninga er mér samt frjálst að fara í þennan sónar til að athuga þá annað sem sést þetta snemma, eins og hvort allir útlimir og heili séu til staðar?

Bestu þakkir.



Sæl!

Tólf vikna ómun er í boði fyrir allar konur, og velja þær hvort þær vilji líkindamat fyrir litningagöllum eða án. Það sem skoðað er fyrir utan að mæla hnakkaþykkt, er hvort um einbura eða fjölbura sé að ræða, meðgöngulengd reiknuð út og væntanlegur fæðingadagur, síðan er farið yfir helstu líffæri eins og heila, maga, þvagblöðru og útlimi. Þér velkomið að panta 12 vikna ómskoðun án líkindamats.

Kveðja og gangi þér vel.

Kær kveðja,

María Jóna Hreinsdóttir,
ljósmóðir - deildarstjóri fósturgreinardeildar LSH,
30. maí 2008.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.