Spurt og svarað

20. apríl 2008

Hversu lengi eru fyrri keisarakonur að fæða?

Góðan dag og takk fyrir frábæran vef!

Ég hef verið að lesa um að fæðing númer 2 taki mun styttri tíma en fyrsta fæðing. Nú fór ég í bráðakeisara í minni fyrstu fæðingu. Var í 3 daga með hríðir og ekkert gekk. Festist í 3 í útvíkkun en þegar ég var sett í bráðakeisarann að þá var ég komin í 8.

Mín spurning er sú: mun fæðingin mín taka jafn langan tíma og fæðing frumbyrja?

Með kveðju, Keisaramamma :)


Sæl

Það er algerlega ómögulegt að segja fyrir um það þar sem margir þættir spila inn í en þar sem þú ert búin að fara í 8 útvíkkun áður þá ættir þú  alveg eins að geta verið fljót með þann hluta fæðingar. Rembingstímabilið myndi kannski verða svipað og hjá frumbyrju en annars er ómögulegt að spá fyrir. Jákvætt hugarfar fleytir þér þó langt.

Gangi þér vel,

Kveðja,

Tinna Jónsdóttir,
ljósmóðir og hjúkrunarfræðingur,
20. apríl 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.