Spurt og svarað

07. september 2020

Líklegast eineggja tvíburar ljósmóðir

Sæl. Ég er ólétt af tvíburum og eru þeir að öllum líkindum eineggja skv. kvensjúkdómalækninum mínum. Við eigum bókaðan tíma hjá fósturgreiningardeild Landspítalans eftir nokkrar vikur og var mér tjáð að ég yrði að vera búin að hitta ljósmóður fyrir tímann. Er ekki mæðravernd á spítalanum fyrir eineggja tvíbura og get ég þá ekki valið ljósmóður þar? Bkv. verðandi mamma

Sæl og til hamingju með þungunina.

Best er að hafa samband við heilsugæsluna þína og fá símatíma hjá ljósmóður. Hún hringir í þig og ráðleggur þér með framhaldið og vísar þér á ljósmóður á Landspítalanum ef þú átt að vera þar í mæðravernd. Konur sem eru óléttar af eineggja tvíburum eru oftast í mæðravernd á Landspítalanum. 

Kær kveðja, Jóhanna María Friðriksdóttir, ljósmóðir

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.