Spurt og svarað

05. október 2020

Hvenar mælist hcg á prófi?

Nú er ég með 9 mánaða barn á brjósti. Er búin að vera með reglulegar blæðingar síðan í Apríl en er komin 6 daga frammyfir núna. Er búin að taka 2 óléttupróf sem koma neikvætt út. Ef að óvarið kynlíf var stundað á 19. Degi tíðahrings ætti það ekki að vera komið fram núna á óléttuprófi ef að frjóvgun hefur átt sér stað? Hversu líklegt er að frjóvgun geti orðið á 19. Degi hringsins?

Sæl

Hvort egglos geti orðið á 19. degi tíðarhrings fer eftir því hvað tíðarhringurinn er langur. Ef tíðarhringurinn er 28 dagar er egglos á 14. degi, ef tíðarhringurinn er 30 dagar þá er egglos á 16. degi o.s.frv.

Hcg ætti að mælast í þvagi um 12-15 dögum eftir egglos, sem er þá yfirleitt um það leiti sem blæðingar ættu að hefjast.

Ég ráðlegg þér að bíða í 2-3 daga og prófa þá að taka nýtt óléttupróf ef þú hefur ekki haft blæðingar. 

kær kveðja, Jóhanna María Friðriksdóttir

Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.