Spurt og svarað

01. nóvember 2011

Blóð með hægðum

Sælar.

Ég er gengin 38 vikur og þegar ég fór á klósettið í dag þá kom blóð í hægðunum, mest í pappírinn. Þetta er ekkert svakalega mikið en nóg til að ég hafi áhyggjur. Ég er ekki með neina verki, harðlífi eða kláða með þessu. Er þetta eitthvað sem ég þarf að hafa áhyggjur af?  Ég fékk ekkert svona á fyrri meðgöngu.

Kær kveðja
HG


Komdu sæl HG.

Þetta er sennilega gyllinæði sem er að myndast á meðgöngunni.  Hægt er að fá Proctosedyl krem og stíla í apóteki til að nota á þetta, sérstaklega ef þetta fer að valda þér vanlíðan.  Nauðsynlegt er að halda hægðum mjúkum því ástandið versnar með hörðum hægðum sem erfitt er að koma frá sér.  Þetta lagast svo venjulega eftir fæðingu.

Kveðja

Rannveig B. Ragnarsdóttir,
ljósmóðir og hjúkrunarfræðingur.
1.nóvember 2011.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.