Spurt og svarað

12. júní 2007

Mónitor í fæðingu

Sælar og takk fyrir góðan vef.

Mig langar að spyrja aðeins út í mónitorinn sem sífellt er verið að setja á mann eftir að maður kemur á fæðingardeildina. Getur maður ráðið hvort eða hversu mikið hann er notaður. Mér fannst hann það eina sem truflaði mig í síðustu fæðingu því þá gat ég ekki verið eins ég vildi. Ég spyr einnig vegna þess að í heimafæðingum er þessi mónitor sem kyrrsetur konuna ekki til staðar.

Bestu kveðjur, Helga.


Sæl og blessuð Helga!

Það er aðeins fjallað um gagnsemi mónitora í öðru svari hér á síðunni. Ef allt hefur verið eðlilegt hjá þér á meðgöngunni og allt er eðlilegt þegar þú kemur inn í fæðingu þá á að vera nægjanlegt að hlusta á fósturhjartsláttinn í mínútu í senn á 15 mínútna fresti. Ef hins vegar það reynist vera ástæða til að nota mónitor í fæðingunni þá eru sums staðar til þráðlausir mónitorar, m.a. á fæðingardeild Landspítalans.

Gangi þér vel.

Anna Sigríður Vernharðsdóttir,
ljósmóðir og hjúkrunarfræðingur,
12. júní 2007.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.