Spurt og svarað

26. ágúst 2012

Blóðflokkar

Ég var að velta fyrir mér hvernig er það ef móðirin er í A+ og faðirinn í O- getur verið að móðirin búi til mótefni gegn næst barni? Hvernig er þetta með rhesusinn, hef heyrt allskyns sögur um svona dæmi.



Sæl!
Þegar við athugum blóðflokk móður á meðgöngu erum við að athuga hvort hún sé rh jákvæð eða rh neikvæð, einnig er skimað fyrir mótefnum í blóðinu. Ef móðirin er jákvæð og engin mótefni finnast er ekki hætta á að móðirin myndi mótefni gegn næsta barni.
Hinsvegar er hætta á að móðirin myndi mótefni gegn næsta barni ef hún er neikvæð og barnið jákvætt. Til að koma í veg fyrir að móðirin myndi mótefni er henni gefin fyrirbyggjandi sprauta innan 36 tíma frá fæðingu. Frekari upplýsingar um rhesusinn finnur þú ef þú slærð inn rhesus í leitina hér á vefnum.

Með kveðju,
Signý Dóra Harðardóttir,
ljósmóðir og hjúkrunarfræðingur,
26. ágúst 2012




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.