Önnur fæðing hraðari en sú fyrsta?

09.09.2005
Góðan daginn og takk fyrir frábæran vef. Ég á eitt barn sem fæddist hratt.  Núna er ég farin að huga að því að koma með annað kríli. Má ég búast við því að næsta fæðing gangi hraðar fyrir sig en sú fyrsta. Ég var nú bara 5 tíma frá 1 verk þar til drengurinn var fæddur og notaði engin verkjalyf í fæðingu. Má ég eiga von á að næsta kríli verði enn fljótar að koma sér út
Með kærri kveðju
Ein vonandi fljótlega verðandi móðir
 
.............................................
 
Komdu sæl og takk fyrir fyrirspurnina.
 
Já oft gengur önnur fæðing hraðar fyrir sig en sú fyrsta en það er þó ekki algilt.  Þegar fyrsta fæðing hefur gengið svona vel getur líka vel verið að næsta fæðing verði svipuð.  Hafðu samt í huga að engar tvær fæðingar eru alveg eins og þetta fer líka eftir því hvernig barnið snýr og svo framvegis.
 
Kveðja
 
Rannveig B. Ragnarsdóttir,
hjúkrunarfræðingur og ljósmóðir.
09.09.2005.