Spurt og svarað

06. nóvember 2006

Phenergan og bað í fæðingu

Sælar og takk fyrir frábæran vef!

Ég að eiga eftir tvær vikur og ég stefni á að eiga í Hreiðrinu. Ég hef hins vegar glímt við mikil kvíðaköst í langan tíma og kvíði fæðingunni. Ég er nokkurn veginn komin inná að biðja um Phenergan, en sleppa Petidíni.  Nú var mér sagt þegar ég fór í skoðun á Hreiðrið að ef ég fengi Petidín gæti ég ekki notað baðið, út af hættu við að geta ekki haldið mér vakandi.  Ef ég fæ bara Phenergan, má ég þá fara í baðið?  Verð ég of sljó til að geta verið í baðinu?


Sæl og takk fyrir að leita til okkar.

Það er allt í lagi að fara í baðið eftir að hafa fengið Phenergan.  Phenergan hefur ógleði- og kvíðastillandi áhrif en ekki sljóvgandi áhrif.  Þú þarft því ekki að hafa áhyggjur af því að fá ekki þetta lyf í fæðingunni ef þú óskar þess.

Ég óska þér alls hins besta og góðu gengi í fæðingunni,

Þórdís Björg Kristjánsdóttir,
ljósmóðir og hjúkrunarfræðingur,
6. nóvember 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.