Spurt og svarað

24. janúar 2005

Rakstur fyrir fæðingu

Halló og takk fyrir góðan vef sem ég er búin að nota mjög mikið.

Fyrirspurn mín er kannski fáránleg en ég ætla samt að skjóta :) Ég veit nú ekki heldur hvort ég næ að fá svarið í tæka tíð þar sem ég er kominn 39 vikur og búin að vera að drepast úr fyrirvaraverkjum en vona nú að ná alla vega 40 vikum. 

Er betra að hafa svæðið í kringum spöngina rakað eða má raka þarna niðri yfir höfuð núna? Þá er ég einna helst að pæla ef það þarf að sauma ef maður rifnar eða er klipptur. Ég veit ekki af hverju ég er að spá í þessu núna en gerði það ekki fyrir hinar fæðingarnar. Maður pælir í ótrúlegustu hlutum á þessum tíma.

Kveðja, Þriðja bumba.


Sæl og takk fyrir að leita til okkar.

Á árum áður voru konur rakaðar fyrir fæðingu en það er ekki gert lengur. Það var sennilega gert af hreinlætisástæðum enda átti helst allt að vera dauðhreinsað í kringum fæðingar. Það er engin þörf á að raka í kringum spöngina en það er heldur ekkert sem mælir á móti því ef þig langar til þess. Ef svo færi að það þyrfti að sauma þig eftir fæðinguna þá eru hárin sjaldnast að þvælast fyrir.

Yfirfarið 28.október 2015





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.