Spurt og svarað

31. janúar 2007

Samband gangsetninga og keisarafæðinga


Mér leikur forvitni á að vita hversu algengt er að konur sem eru settar af stað endi í keisarafæðingum.
Með þökk fyrir svör og góðan vef.


Komdu sæl, Kristborg

Gangsetning eykur líkur á inngripi eins og áhaldafæðingu eða keisaraskurði.  Samkvæmt fæðingaskýrslu Landspítalans var keisaratíðni á landinu öllu, á árunum 1996-2005, u.þ.b. 16-18%. Árið 2005 var keisaratíðni á Landspítala hjá gangsettum frumbyrjum með einbura í höfuðstöðu og eftir fulla meðgöngu, 24.9% en 23.9% á landinu öllu. Þessar tölur er hægt að finna á Landspítalavefnum undir kvennasvið, fæðingaskráning. 

Vonandi svarar þetta fyrirspurn þinni,
kveðja

Kolbrún Jónsdóttir,
ljósmóðir og hjúkrunarfræðingur.
31.01.2007.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.