Spurt og svarað

05. apríl 2007

Skoðun fylgju

Takk fyrir frábæran vef;)

Ég vil byrja á því að taka það fram að ég er frumbyrja, reyki ekki hvorki né drekk en er svaðalegur sælkeri sem jókst til muna á meðgöngunni. Ég hef heyrt að fylgjan sé skoðuð um leið og hún kemur út og nú var ég bara að velta fyrir mér hvað væri skoðað? Sést á fylgjunni öll þau sætindi sem ég hef innbyrgt? Sést jafnframt á fylgjunni hjá óhófsfólki að það hafi reykt og jafnvel drukkið?

Kveðja, Maíbumba:)


Sæl og blessuð!

Fylgjan er alltaf skoðuð eftir fæðingu, sérstaklega m.t.t. þess hvort hún hefur komið öll því það er ekki gott ef hluti hennar verður eftir því það getur skapað blæðingarhættu fyrir konuna. Það er einnig metið hvort fylgja, belgir og naflastrengur séu eðlileg að öðru leyti. Það er ekki beinlínis hægt að sjá á fylgjunni ef móðir hefur reykt á meðgöngu en reykingar geta verið orsök þess að fylgjan er rýr. Það er enginn leið að sjá hvort móðir hafi borðað mikil sætindi á meðgöngu.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
5. apríl 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.