Spurt og svarað

16. september 2007

Blóðprufa í hnakkaþykktarmælingu

Sælar yndislegu ljósmæður :)

Ég var að frétta af því að þegar maður fer í hnakkaþykktarmælingu þá sé tekin blóðprufa til að athuga einhver frávik.

Hvað er nákvæmlega athugað í blóðprufunni og hvað getur hún leitt í ljós?
Ef einhver frávik koma upp í niðurstöðunni hverjar eru líkurnar á því að niðurstaðan sé „rétt“?
Er það rétt að ef hnakkaþykktin er með frávik upp á 0.05% þá sé það slæm niðurstaða úr hnakkaþykktarmælingu ? (kann ekki almennilega að orða þetta á ykkar máli :))

Kærar þakkir fyrir vefinn.

 


 

Sæl og blessuð! Takk fyrir að leita til okkar!

Hnakkaþykktarmælingin er einn hluti af rannsókninni og blóðprufan er einn hluti. Þetta ætti að skýrast nánar ef þú skoðar fyrirspurnina Hvernig fer hnakkaþykktarmæling fram?

Niðurstöðurnar geta í raun ekki verið „réttar“ eða „rangar“ því það sem kemur út úr þessu samþætta mati eru einungis líkurnar á að ákveðnir fósturgallar séu til staðar. Kíktu á fyrirspurnina Niðurstöður úr samþættu líkindamati því þar eru skýringar á þessu.

Vona að þetta svari spurningunum.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
16. september 2007.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.