Spurt og svarað

20. apríl 2007

Stór börn og gangsetningar

Sæl.
Ég bý i Danmörku og geng með 3 barnið mitt, bæði börnin mín eru fædd í Danmörku, en við flytjum til Íslands áður en þetta barn fæðist.

Við fæðingu dóttur minnar (fyrsta fæðingin) lenti hún í axlarklemmu og
laghálsinn hjá mér rifnaði, svo það blæddi mikið og ég var send í aðgerð
til að sauma fyrir æðina sem blæddi frá. Dóttir mín var 4455gr, og hún
þurfti að fara til sjúkraþjálfara í nokkra mánuði:o(

Þegar ég gekk með soninn var fylgst vel með hve stór hann var að verða og fæðingin var framkölluð þegar ég var komin 38 vikur á leið, því sónar
sýndi að hann var líka að verða stór. Fæðingin gekk vel og hann var rétt
tæp 4 kg.  Nú hef ég lesið hér á heimasíðunni að fæðingu á ekki að framkalla þegar ástæðan er að barnið er að verða stórt. Gildir það líka þegar ég er búin að "sanna" að það er ekki pláss fyrir svona stórt barn í fæðingu hjá mér?

Ég vona virkilega að það verði tekið tillit til þess að ég er ekki hönnuð
til að fæða stór börn, og að fæðingarlæknirinn hér i Danmörku hefur metið að það sé einnig rétt að ég verði sett af stað í þetta sinn ef barnið verður stórt.

Kær kveðja Maríanna

 Komdu sæl Maríanna


 

Ég skil það vel að þú hafir áhyggjur af þessu miðað við fyrri sögu og full ástæða fyrir þig að ræða þetta við fæðingalækni þegar þú kemur til Íslands.  Ástæðan fyrir því að ekki þykir ráðlegt að gangsetja þegar grunur er um stórt barn er að slíkar fæðingar ganga oft betur ef konan fer sjálf af stað.  Þetta er þó metið í hverju tilviki fyrir sig og því enginn spurning að þú þarft að tala um þetta við fæðingalækni.

Gangi þér vel

Rannveig B. Ragnarsdóttir,
ljósmóðir og hjúkrunarfræðingur.
20. apríl 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.