Spurt og svarað

31. mars 2010

Súrefni í stað glaðlofts?

Sælar og takk fyrir frábæran vef!

Ég er byrjuð að undirbúa fæðingu barns nr. 2 og mig langar að forvitnast hvort hægt sé að biðja um súrefni í stað glaðlofts í fæðingu? Þegar ég var að eiga mitt fyrsta barn, þá var sóttin mjög hörð strax frá upphafi og ég átti í miklum erfiðleikum með að anda mig í gegnum hríðarnar. Mín viðbrögð voru að halda í mér andanum og streitast á móti. Ljósmóðirin bauð mér þá glaðloft. Það sló ekki á verkina en það hjálpaði töluvert til að ná stjórn á önduninni, sem gerði hríðina bærilegri. Því miður gat ég ekki notað glaðloftið lengi þar sem mér varð svo óglatt af því og byrjaði að kasta upp. Ég hafði ekki rænu á því þá að spyrja hvort hægt væri að fá súrefni í staðinn og mér var heldur ekki boðið upp á það.

Kær kveðja, Anna.


Sæl Anna!

Ef þú telur að gríman hafi hjálpað þér við að ná tökum á önduninni þá er sjálfsagt að nota hana. Það er hægt að gefa súrefni í hana eða bara ekki neitt, þ.e.a.s. þú andar bara andrúmslofti í gegn um grímuna. Það er sjálfsagt fyrir þig að biðja um þetta í fæðingunni.

Gangi þér vel.

Kveðja,

Anna Sigríður Vernharðsdóttir,
ljósmóðir og hjúkrunarfræðingur,
31. mars 2010.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.