Spurt og svarað

05. maí 2007

Tættir belgir

Ég eignaðist stelpu í fyrra og þá kom í ljós eftir fæðinguna að belgirnir á fylgjunni væru mikið tættir. Ég fékk enga útskýringu og hef hugsað mikið um það síðan. Er það hættulegt fyrir barnið?


Sæl og blessuð!

Það er erfitt að svara því hvers vegna belgirnir tætast. Þegar legvatnið fer er það vegna þess að gat kemur á belginn og síðan geta belgirnir tæst eftir það. Ég veit ekki til þess að tættir belgir hafi áhrif á heilsu barnsins. Ef belgir eru tættir er erfiðara að átta sig á því hvort þeir hafi allir skilað sér og það getur þýtt að belgjatæjur geta verið eftir í leginu en þær skila sér þá yfirleitt fljótlega. Það getur þýtt það að legið dragi sig ekki eins vel saman og að meira blæði frá leginu.

Vona að þetta svari spurningunni.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
5. maí 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.