Spurt og svarað

15. ágúst 2005

Varta

Er á 37. viku meðgöngu og var að uppgötva pínulitla vörtu á annari rasskinninni, þó ekki á því svæði sem telst til endaþarms (slímhúð) svo að því er mér skilst er þetta ekki "kynfæravarta" heldur bara venjuleg varta eða jafnvel "flökkuvarta", eins og ég er búin að lesa mér til um á netinu.
Mín spurning er einfaldlega sú hvort ég eigi einhvað að vera að hafa áhyggjur af þessu nú þegar nálgast fæðingu.  Ef þetta er flökkuvarta ætti hún að fara af sjálfu sér en ég er bara að spá í þessu með smitleiðir og annað... er rétt að láta sérstaklega vita af þessu eða eru það óþarfa ítarlegar upplýsingar ?  Barnið smitast væntanlega ekki þarsem þetta er staðsett þannig ?

..........................................................................
 
Sæl og takk fyrir fyrirspurnina
 
Ef það er öruggt að ekki er um kynfæravörtu að ræða þarft þú ekki að hafa áhyggjur.  Það er þó æskilegt að þú látir vita af þessu þegar þú kemur í fæðingu þannig að ljósmóðirin geti séð þetta og gert nauðsynlegar varúðarráðstafanir ef þarf.
 
Gangi þér vel
 
Kveðja
 
Rannveig B. Ragnarsdóttir
hjúkrunarfræðingur og ljósmóðir
12.8.2005




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.