Spurt og svarað

03. maí 2006

Þröngur nárabogi

Sælar ljósur og takk fyrir frábæran og fróðlegan vef!

Ég eignaðist dóttur mína fyrir 3 vikum og gekk allt bara mjög vel í fæðingunni. Í fæðingunni var ég skoðuð af kvensjúkdómalækni vegna krapps náraboga og mig langar að spyrja hvað þýðir það að vera með krappan náraboga? Læknirinn sagði að hugsanlega myndi fæðingin enda í keisara en sem betur fer gekk þetta allt eðlilega fyrir sig, líklegast vegna þess að stelpan mín var frekar lítil, tæp 11 merkur.

Hefur þetta áhrif á næstu fæðingar(ef einhverjar verða)? Ég hreinlega hafði ekki rænu á að spyrja um
þetta í fæðingunni.

Bestu þakkir.


Sælar og takk fyrir að leita til okkar
 
Þröngur nárabogi getur verið merki um litla eða þrönga mjaðmagrind sem getur haft áhrif á framgang fæðingarinnar,  þ.e.a.s. að höfuð barnsins eigi erfiðara með að komast í gegn. Vissulega hefur stærð barnsins áhrif á gang fæðingarinnar og það að þitt barn var ekki mjög stórt hefur hjálpað til við að barnið hafi farið þessa leið.  En hins vegar þegar eitt barn er búið að ryðja þessa leið þá býr maður að vissu leiti að því.  

Reyndin hefur verið sú að konur byrja í fæðingu og svo kemur það í ljós á framgangi fæðingarinnar hvort stærð barnsins og grind móðurinnar passi ekki saman. Þannig að þá er tekið á því í fæðingunni.

Vonandi svarar þetta spurningu þinni.

Kveðja,

Steina Þórey Ragnarsdóttir,
ljósmóðir og hjúkrunarfræðingur,
3. maí 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.