Spurt og svarað

22. apríl 2013

Eftirskoðun

Sælar og takk fyrir frábæran vef.
Ég eignaðist strák fyrir tæpum 3 vikum og allt gekk vel. Vatnið fór og hann var kominn 18 tímum síðar, var réttur af með sogklukku og ég rifnaði aðeins. Var saumuð en bara nokkur spor. Mér blæddi mikið eftir fæðinguna og ég hef verið frekar slöpp síðan, finn að ég er blóðlítil. En það versta er hversu lystarlítil ég er, er nánast að pína ofaní mig matinn og það hefur auðvitað áhrif á brjóstamjólkina. Mig langar svo að vita hvort ekki sé boðið uppá eftirskoðun fyrir mæður. Heimaþjónusta ljósmæðra og Ungbarnaverndin eru æðisleg þjónusta en mig langar svo að vita hver það er sem sér um mömmuna.




Sæl
Til hamingju með drenginn þinn. Venjulega er með að konur fari í eftirskoðun um 6-8 vikum eftir fæðingu ef þær þurfa. Til dæmis ef þær óska eftir að fá hormónalykkjuna eða eitthvað er að trufla þær eftir fæðinguna t.d. rifa sem hefur ekki gróið vel. Ef eitthvað annað er í ólagi eins og þú lýsir getur þú leitað í heilsugæsluna og fengið tíma hjá heimilislækni.
Gangi þér vel.


Með bestu kveðju,
Signý Dóra Harðardóttir,
ljósmóðir og hjúkrunarfræðingur,
22. apríl 2013.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.