Spurt og svarað

15. október 2006

Get ég valið hvaða ljósmóður ég vil fá í heimaþjónustu?

Sælar!

Hvernig er það, get ég valið hvaða ljósmóður ég vil fá í heimaþjónustu? Ég á von á þriðja barninu mínu og var svo heppin að sama yndislega ljósmóðirin tók á móti fyrstu tveimur börnunum mínum. Ég sá að hún sinnir heimaþjónustu í mínu sveitarfélagi þannig að ég var að velta fyrir mér hvort ég geti beðið um hana sérstaklega í heimaþjónustu þó hún verði ekki á vakt upp á deild þegar ég fæði?

 


 

Sæl og takk fyrir að leita til okkar!

Þú getur valið þér ljósmóður og ættir bara að hafa samband við þessa ljósmóður og athuga hvort hún er ekki tilbúin að sinna þér í heimaþjónustu. Á vef Ljósmæðrafélags Íslands er listi yfir ljósmæður sem sinna heimaþjónsutu.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
15. október 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.