Spurt og svarað

31. júlí 2012

Blöðrubólga á fyrstu vikum meðgöngu

Sæl!
Ég er búin að vera með blöðrubólgu undanfarna daga, e.t.v. farið að teygja sig upp í rúma viku. Í gær komst ég hinsvegar að því að ég væri ólétt, sem er mikil gleði eftir margra ára bið. Þarf ég að hafa áhyggjur af blöðrubólgunni? Er óhætt að taka sýklalyf snemma á meðgöngu?
Með hjartslátt í brjósti og von um skjót svör :)



Sæl!
Ef þú telur þig vera með blöðrubólgu er mjög mikilvægt að þú fáir meðferð sem fyrst, það er óhætt að taka sýklalyf á meðgöngu samkvæmt læknisráði. Ég ráðlegg þér að hafa samband við ljósmóður í mæðravernd á þinni heilsugæslu og fáir að koma með þvag í ræktun svo hægt sé að meðhöndla sýkinguna rétt.
Gangi þér vel.



Með bestu kveðju,
Signý Dóra Harðardóttir,
ljósmóðir og hjúkrunarfræðingur
31. júlí 2012




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.