Spurt og svarað

25. janúar 2008

Hve fljótt get ég farið heim eftir fæðingu?

Hæ, hæ og takk fyrir frábæran vef sem ég kíki inn á daglega!

Ég geng með mitt fjórða barn og hefði helst viljað eiga heima í þetta sinn en þar sem við hjónin erum ekki alveg sammála ætla ég að eiga niður frá en langar að vita hve fljótt getum við farið heim ef allt gengur að óskum?


Sæl og blessuð!

Ég geng út frá því að þú sért að meina Landspítalann. Hvort sem þú fæðir í Hreiðrinu eða á fæðingardeildinni þá er miðað við að kona og barn séu í eftirliti á sjúkrahúsinu í að lágmarki 6 klukkustundir eftir fæðingu. Þannig að ef allt gengur að óskum þá getið þið farið heim eftir 6 tíma.

Gangi ykkur vel.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
25. janúar 2008.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.