Spurt og svarað

04. maí 2008

Kekkir í úthreinsun 4 dögum eftir fæðingu

Sælar og takk fyrir góðan vef!

Ég átti lítinn dreng fyrir 4 dögum og er búin að ná mér nokkuð vel á strik síðan. Það veldur mér smá áhyggjum að í úthreinsuninni eru þykkir og stórir kekkir (2-5 cm í þvermál). Ég finn hvergi minnst á þetta. Er þetta eðlilegt eða eitthvað sem ég ætti að láta athuga?

Bestu kveðjur, nýbökuð mamma.


Sæl!

Það sem þú ert að tala um eru blóðlifrar, sem er hálfstorknað blóð sem hefur safnast fyrir í leginu og skilar sér svo út.  Þetta er ekki hættulegt og sést oft á þessum alfyrstu dögum eftir fæðingu. Hins vegar ef þetta heldur áfram í miklu magni næstu daga eða fer að aukast skaltu hafa samband við ljósmóður eða lækni.

Gangi þér vel.

Kveðja,

Tinna Jónsdóttir,
ljósmóðir og hjúkrunarfræðingur,
4. maí 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.