Spurt og svarað

03. ágúst 2011

Ábót á kvöldin

Sælar!
Ég er með einn 10 vikna og hann er eingöngu á brjósti. En mér finnst ég vera frekar tóm á kvöldin og hann bara hangir á hjá mér. Ég er farin að spá í hvort ég ætti að gefa honum smá ábót um svona kvöldmatarleytið. Hvort er betra að gefa honum smá þurrmjólk með eða smá graut?
 
Sæl og blessuð!
Það síðasta sem barnið vantar er ábót. Þetta er algjörlega eðlilegt ástand að brjóstin virki mýkri og léttari seinni hluta dagsins. Það er þá sem þau framleiða næringarríkustu mjólkina. Hún er hins vegar minni að rúmmáli. Þess vegna þarf að gefa brjóstabörnum fullt af smágjöfum seinnipart dags en aftur fáar stóra gjafir fyrrihlutann.

Gangi þér sem best.
Katrín Edda Magnúsdóttir,
ljósmóðir og brjóstagjafaráðgjafi,
3. ágúst 2011.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.