Spurt og svarað

11. júlí 2010

Áhrif á ónæmiskerfi barna

Hæhæ, takk fyrir frábæran vef!

 Mig langar að forvitnast um þurrmjólkurábót og áhrif hennar á ónæmiskerfi ungabarna. Ég fékk þær upplýsingar frá ljósmóður þegar ég var með nýfædda dóttur mína að ef hún fengi þurrmjólkurábót kæmi dýfa í ónæmiskerfið. Það sem mig langar að vita er hversu mikil áhrif þurrmjólkurábót getur haft á ónæmiskerfið, hversu lengi eru þau að ná sér aftur og um hvaða aldur gildir þetta?

Bestu þakkir.


 

Sæl og blessuð!

Þetta er rétt sem ljósmóðirin þín hefur sagt þér. Það er hins vegar ómögulegt um það að segja hversu mikil áhrif ábót hefur. Það er þó nokkuð víst að mestu áhrifin eru fyrstu vikurnar þegar barnið er veikast fyrir. Þetta gildir þó allan tímann þar til ónæmiskerfið styrkist mjög en það er um 6 mánaða aldurinn. Þess vegna m.a. er miðað við að byrja að bjóða aðra fæðu eftir 6 mánaða aldurinn. Spurningin um það hversu lengi þau eru að ná sér aftur. Það er talið vera um 2 vikur.

Vona að þetta hjálpi.
Katrín Edda Magnúsdóttir,
ljósmóðir og brjóstagjafaráðgjafi,
11. júlí 2010.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.