Spurt og svarað

09. nóvember 2013

Áhyggjur af brjóstagjöf

Sæl og blessuð og takk fyrir frábæran vef!
 Ég er ófrísk af fjórða barni og er alsæl með það núna þràtt fyrir smà sjokk í byrjun því ég var í raun hætt í barneignum. Ég hef svo miklar àhyggjur að geta ekki haft barnið à brjósti vegna þess að ég fór í "brjóstlyftingu" àrið 2010. Nú er ég komin 21 viku. Ég hef verið mjög aum í geirvörtum en er ekki enn komin með neinn brodd. Þegar ég gekk með hin minnir mig að ég hafi fengið broddinn snemma. Ég hef góða tilfinningu í geirvörtunum og herpast þær þegar við à en mér finnst skrítið að það sé ekki kominn broddur. Get ég þà útilokað brjóstagjöf? Mig langar svo heitt að geta haft þetta barn à brjósti eins og hin því ég kann ekki hitt og veit að auðvitað er brjóstamjólkin best. Hverjar eru líkurnar à að maður geti haft à brjósti? Það var bara tekin aukahúð og lyft brjóstunum, engir mjólkurkirtlar fjarlægðir. Ég finn samt allt öðruvísi fyrir í brjóstunum en þegar ég gekk með hin.

Sæl og blessuð!
Ég get glatt þig með því að það eru allar líkur á því að þú getir haft þetta barn á brjósti eins og hin. Brjóstalyfting er eins og þú segir ekkert sem snertir framleiðandi kirtla eða truflar homón. Það að broddur komi ekki snemma eða ekki mikill er ekki áreiðanlegt merki í þínu tilfelli. Þú ættir frekar að finna svolitla stækkun brjóstanna eða eymsli. Svo getur verið að broddur komi á síðustu vikum meðgöngunnar.
Með ósk um gleðilega brjóstagjöf.
Katrín Edda Magnúsdóttir,
ljósmóðir og brjóstagjafaráðgjafi,
9. nóvember 2013




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.