Spurt og svarað

10. júlí 2006

Aloe Vera á sárar geirvörtur

Var að velta því fyrir mér hvort að það væri óhætt að setja Aloa Vera plöntuna á sárar geirvörtur. Litla dúkkan mín er 5 daga gömul og hún er rosalega dugleg að drekka en hún var eitthvað að taka vörtuna vitlaust fyrst þannig að ég er orðin það aum og sár í geirvörtunum að ég bara grenja við hverja brjóstagjöf og er farin að kvíða fyrir henni. Aloa vera er náttúrulega græðandi planta en er óhætt að barnið fái hana upp í sig.

Með kveðju.


Sæl og blessuð.

Það er í sjálfu sér ekkert sem bannar notkun Aloa Vera ef varlega er farið en það er líka frekar ótrúlegt að það geri mikið gagn. Ef barnið er að taka vörtuna vitlaus þá er það orsökin fyrir sársaukanum og það er það sem þarf fyrst og fremst að laga. Fáðu aðstoð við að læra að leggja vörtuna betur upp í barnið og þá fer ástandið að skána. Það getur líka hjálpað að hirða vörturnar á ákveðinn hátt.

Með von um skjótan bata,

Katrín Edda Magnúsdóttir,
ljósmóðir og brjóstagjafaráðgjafi,
9. júlí 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.