Spurt og svarað

27. desember 2007

Appelsínugult í bleyjunni

Góðan daginn!

Ég vildi bara spyrja hvort að þið hefðuð einhvern tímann heyrt um að það gæti komið smá eins og appelsínugulur kúkur þegar börn prumpa? Stelpan mín er 5 vikna, bara á brjósti og er ekki búin að kúka í 1½ viku. Er þetta eitthvað sem ég á að láta kíkja á?


Sæl og blessuð.

Þetta svar er nú orðið svo seint á ferðinni að málið er væntanlega leyst. En eins og þú ert vafalaust búin að finna út þá er þetta ekkert til að hafa áhyggjur af. Þín stúlka er svolítið snemma á ferðinni en algengt er að um 6 vikna  aldurinn breytist hægðamynstur barna mikið. Sum hætta að hafa hægðir nema á 1,2,3 vikna fresti og flestir foreldrar er nú bara nokkuð ánægðir með það. Sum börn taka sér dag og dag þar sem þau hafa mörgum sinnum hægðir og svo er til ýmis afbrigði af þessu. Aðalatriðið er að fylgjast með að barnið sé frískt og að umferð sé í gegnum þau á hverjum degi, þ.e. vindlosun eða smá bremsufar. Það sem þú nefnir er væntanlega bremsufar og bara hið besta mál.

Vona að allt gangi vel.

Kær kveðja,

Katrín Edda Magnúsdóttir,
ljósmóðir og brjóstagjafaráðgjafi,
27. desember 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.