Spurt og svarað

05. nóvember 2006

Átaksnámskeið eftir fæðingu

Sælar og takk fyrir góðan vef.

Ég er að velta því fyrir mér hvort það sé of mikið að skella sér á átaksnámskeið á meðan maður er með barn á brjósti. Hef heyrt að maður geti misst mjólkina ef áreynslan sé of mikil í líkamsrækt.
Það eru 7 vikur síðan ég átti. Ætti ég kannski frekar að byrja á því að fara bara sjálf í ræktina og auka svo álagið jafnt og þétt eða skiptir þetta kannski bara engu máli hvað mjólkina varðar.

Kveðja, íþróttaálfurinn.


Sælar!

Ég held að það sé betra að byrja á því að fara í ræktina sjálf og auka álagið jafnt og þétt. Það eru margar konur sem stunda líkamsrækt með barnið á brjósti og það er í lagi og mjólkin á ekki að minnka við það. Aðalatriðið er að byrja rólega og auka þjálfunina hægt og rólega. 

Bestu kveðjur, og gangi þér vel,

Ingibjörg Eiríksdóttir,
ljósmóðir og brjóstagjafaráðgjafi,
5. nóvember 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.