Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
12. janúar 2021
Sæl, Við erum búin að reyna að verða þunguð í nokkra mánuði en það hefur ekki enn tekist. Við reynum að fylgja flestum ráðum sem eru gefin, t.d. inntaka á fólinsýru og D-vítamíni ásamt því að lifa heilbrigðum lífstíl. Við erum ekki enn farin að örvænta, en viljum gera allt sem við getum til að auka líkurnar á þungun. Við fylgjumst með einkennum eggloss en eitt af því sem ég hef tekið eftir er að ég hef áhyggjur af því að gæði legslíms í leghálsi séu ekki nógu góð fyrir sæðið, miðað við það sem ég les mér til um. Ég hef fundið ýmsar upplýsingar á netinu t.d. um sérstakt fæði sem er talið virka, en ég vil helst fá ráð frá fagaðila. Eitt af því sem ég fann voru þræðir þar sem einhverjir sögðu Tússól hafa virkað, en það er hætt í sölu á Íslandi. Hafið þið einhver ráð hvað maður getur gert til að bæta gæði legslímsins til að auka líkur á þungun? Ég vil taka það fram að ég hef pantað tíma hjá kvensjúkdómalækni en það er yfir hálfs árs biðtími svo tíminn er ekki fyrr en í júní og því leita ég ráða hér.
Sæl, þið virðist vera að fylgja þeim ráðleggingum sem við höfum til þess að eiga sem mestan möguleika á þungun. Hvað varðar slímhúð legsins þá hef ég ekki aðrar leiðbeiningar en þær að huga að heilbrigðum lífsstíl, en ég veit til þess að t.d. sérfræðingar í nálastungum hafa veitt meðferðir með það að leiðarljósi að undirbúa slímhúð legsins sem best fyrir frjóvgað egg.
Kær kveðja, Hafdís Guðnadóttir, ljósmóðir.
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.