Spurt og svarað

29. maí 2014

Að flytja brjóstamjólk milli landa

Sælar og takk fyrir góðan vef!

Ég er að velta fyrir mér hvort mögulegt sé að flytja brjóstamjólk með sér á milli landa með flugi. Ég sá fyrirspurn og svar frá ykkur varðandi það að flytja frosna mjólk með sér. En ég hef áhuga á að vita hvort mögulegt sé að flytja ferska mjólk sem er um 1-2 daga gömul. Ef svo er í hvernig umbúðum teljið þið æskilegt að geyma mjólkina?




Sæl og blessuð!

Jú, það er vel mögulegt að flytja brjóstamjólk milli landa. Það er æskilegt að hún sé í sérstökum brjóstamjólkurpokum sem fást í öllum apótekum. Og síðan væri gott að hún væri í lítilli tösku helst með kælielementi. Og litla taskan færi svo ofan í aðaltöskuna sem færi í frakt. Þannig væri þetta sennilega einfaldast og öruggast þótt eflaust mætti nota aðrar leiðir.

Gangi þér vel.
Katrín Edda Magnúsdóttir,
ljósmóðir og brjóstagjafaráðgjafi,
29. maí 2014.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.